Lənkəran rayonu, Şürük kənd sakini Vəlizadə Azər Şamil oğlu tərəfindən redaksiyamıza şikayət məktubu daxil olub.

Şikayətçi bildirir ki, “Aqroservis” ASC-nin Lənkəran Maşın Sınaq Stansiyasında özbaşınalıqlar baş alıb gedir:

“Hörmətli redaksiya!

Sizə “Aqroservis” ASC-nin Lənkəran Maşın Sınaq Stansiyasınını sədri Şahin Ağayevin qanunsuz əməlləri haqda yazıram.

Qeyd edim ki, mən Şürük kəndi ərazisində yerləşən Lənkəran Dövlət Maşın Sinaq Stansiyasinda işləyirdim. Adını qeyd etdiyim idarədə 2013-cü ildən 2025-ci ilə qədər çalışmışam. Heç bir nizam-intizamı da pozmamışam. Baxmayaraq ki, adlarını qeyd edəcəyim şəxslər mütəmadi olaraq məni “provakasiya”ya çəkməyə çalışıblar.

21.10.2024 tarixində işçilərə Azərbaycan Respublikası Əmək Məcəlləsinin 77-ci maddəsinə əsasən xəbərdarlıq edilib və yeni ştat cədvəli verilib. Həmin cədvəldə işlədiyim ştat ləğv olunmayıb. Lakin 06.01.2025-ci il tarixində yenidən bizimlə üç aylıq müqavilə imzalanıb.

İşlədiyim müddətdə Lənkəran Dövlət Maşın Sınaq Stansiyasının direktoru Şahin Ağayev Şirəli oğlu idi. Əliyev Sədaqət Xanağa oğlu, Mahmudov Elşad Məhrəməli oğlu, Cəfərov Xanbala Allahverən oğlu tərəfindən psixi təzyiqlərə məruz qalmışam. Məqsəd məni öz ərizəmlə işdən çıxarmaq olub.

Bir neçə nəfərə qarşı bu kimi hallar əvvəllər də olub. Belə ki, şçilər arasında ədavət yaradıb, birini digəri ilə qarşı- qarşıya gətirib dava salmaq, şər atib polisə vermək və.s kimi hallar az olmayıb. Şəxsən özüm bu hallarla bir necə dəfə üz-üzə qalmışam.

Sonuncu dəfə üç aylıq müqavilənin bir ayı tamam olmamış - 03.02.2025-ci il tarixində direktor Şahin Ağayev bir neçə nəfər işçini çağırıb dedi ki, əmək müqavilənizə xitam verilib. Səbəbini demədən bildirdi ki, baş idarəyə şikayət edə bilərsiniz.

Maraqlısı odur ki, vəzifə ştatım ixtisar olunmayıb. Deyəsən səbəb sadəcə əlilliyimin olması idi.

Mən öz peşə ixtisasıma uyğun işləyirdim, hansı ki, indi hara gedirəm, soruşurlar ki, haranı bitirmisən?! (AzMTU-nun “Avtomexanika” fakultəsini bitirmişəm).

Qeyd edim ki, mənim yerimə işə götürdükləri şəxsdən - Əliyev Sədaqət Xanağa oğlundan fərqli olaraq, mən orada bir neçə işi görürdüm. Sürücü, qaynaqçı, mühəndis vəzifələrini icra etmişəm. Maraqlıdır, necə olur ki, energetik baş mühasib işləyir? Həmin vəzifəyə peşəkar mühasib sertifikatı tələb olunur. Yaxud, necə olur ki, tornaçı qaynaqçı təyin olunur?! Axı, onun üçün də dərəcə lazımdır.

Mənim sadəcə dərəcəm yoxdur, amma lazım olan işləri görə bilirdim.

Sədaqət Əliyev Xanağa oğlu eyni vaxtda iki yerdə çalışırdı. İdarənin keçmiş direktoru Qurbanov Tahir Əbdul oğlunun qardaşı Əliyev Məzahir Xanağa oglu 76 saylı seçki dairəsində sədr, özü isə müavin idi. 76 sayli dairənin sədri isə həm orada sədr, məktəbdə hərbi müəllim və işlədiyim idarədə mühəndis kimi çalışırdı, yəni idarədə sadəcə adı gedirdi. İşlədiyim vaxt ərzində onu orda heç vaxt görməmişəm.

Əmək Məcəlləsinin 78-ci maddəsini pozaraq, məni 24.1-ci maddəni pozmaqla işdən çıxarıblar. Halbuki, özləri eyni vaxtda 3 yerdə işləyiblər.

Yeyintiyə gəldikdə isə, köhnə rəhbərlərdən demək olar ki, indikilərə heç nə qalmayıb. Müxtəlif yollarla texnikaları istisamardan saxlamaqla və ya başqa yollarla yararsız vəziyyətə salıb, metalloma veriblər. Məsələn, T-150 YMZ -6 AKL markalı ekskvator, 2 qaz -53 texniki yardım maşını, iki VAZ - biri aftodiaqnostika olmaqla, 1 ədəd RAF, 1 ədəd “Moskvic”, 1 ədəd təzə Zil-130, 1 kombayin, 1 məhsul yükləyən moto qurğu və sair. Hələ “Kamaz” markalı maşını da itmiş kimi rəsmiləşdiriblər.

Onu da deyim ki, idarədə tək yeyinti bunlar olmayıb. İstilik qazanxanasında obyektlərinə gedən və izolyasiya olunan isti su xətləri - 140 mm diametrində olan borular satılıb. Kəndimizin mərkəzində yerləşən 200 ton su tutumu olan çən təxminən 57 m hündürlüyündədir. Onu su ilə təchiz edən quyular isə oradan 3 km aralıda yerləşir. Həmin boru xətlərinin də satıldığı deyilir.

Keçmiş rəhbərlər tərəfindən hazırda onların yetirməsi olan energetik Elşad Mahmudovun baş mühasib olması çox şübhə doğurur.

Bildirirəm ki, direktor Şahin Ağayev “Aqroservis” ASC-də kurator işləyən Elnur Əzizovun dayısı oğludur. O, direktor vəzifəsində olarkən bütün qohum-əqrabasını idarədə işə qoymuşdu.

Məsələ ilə bağlı səlahiyyətli qurumlara və məhkəməyə də müraciət etmişəm”.

"Hurriyyet"