“Şahinlər” MMC-nin yüksək məbləğdə vergi borcu olduğu üzə çıxıb.
Bu barədə İqtisadiyyat.az Dövlət Vergi Xidmətinin kommersiya qurumlarının dövlət reyestri bazasından məlumat əldə edib.
Məlumata görə, şirkətin İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 9 milyon 934 min 589 manat 78 qəpik vergi borcu olduğu məlum olub.
Qeyd edək ki, bu şirkət 1994-cü ildə dövlət qeydiyyatına alınıb, qanuni təmsilçisi Elməddin Bayramovdur. Şirkət Bakıda yaşayış binalarının tikintisi sektorunda fəaliyyət göstərir.
