5 ildir maaş artımı gözləyən və bu qədər infilyasiya, bahalaşma fonunda maaşşalrı nəinki artan, əksinə əksər işçi kəsimi hətta mükafat və maaş əlavələrindən belə məhrum olan neftçilərin başına açılmayan oyun deyəsən, qalmayacaq. "DİA-AZ" xatırladır ki, bir neçə gün əvvəl kimlərsə "maaşlarda yeni ildən artım olacaq" kimi saxta xəbəri yayaraq narazı işçiləri sanki hansısa mücərrəd dönəm üçün susmağa yönləndirməyə çalışdı. Amma əslində...
Əslində isə aydın olur ki, SOCAR strukturlarında ciddi ixtisarlar həyata keçirilir və bu prosesin sükutla yola verilməsi üçün "MAAŞLARINIZ ARTACAQ" kimi yalançı saxta vədlər ortaya atıb çaşqınlıq yaradırlar.
Məsələni diqqətdə saxlayan Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı isə özünün təqdim etdiyi faktlarla əslində tamam fərqli bir prosesin cərəyan etdiyini sübutlamaqdadır. Yəni nə maaş artımı... işsizlik belə söz konusudur...
NHMT sədrinin özünün sosial şəbəkə hesabında son paylaşımında deyilir: "SOCAR sağlamlaşdırma şüarı: "Ya özün get, ya "İmtahan", başqa bir yol yox artıq?!
Cənab və cənabələr! Bu ölkə başçısının ölkədə işsizliyin azalması üçün apardığı siyasətə zidd deyilmi?
SOCAR-da aparılan "təşkilatı sağlamlaşdırma tədbirləri" adlı altında aparılan və optimallaşdırma" adlandırılan (60+ işçilərə psixoloji təyziqlər), əslində insan hüquqlarının pozulması, diskrinimasiyaya məruz qalması və həmin siyasətin insan sağlamlığına ciddi təsiri olan "Ya özün get, ya İmtahan" sağlamlaşdırma siyasəti SOCAR tərəfdaşları olan bəzi Əməliyyat Şirkətlərində müşahidə olunmağa başlamışdır.
Vallah, cavab verməli olacaqsınız. Və sadəcə zamana ehtiyac duyulur...
