AzVision.az xəbər verir ki, Alina Kabayeva Azərbaycanda III MDB Oyunlarında bədii gimnastika yarışının başa çatması münasibətilə hər kəsi təbrik edib.

“Təşkilatçılara peşəkarlıqlarına və diqqətli yanaşmalarına, həmçinin müxtəlif ölkələrdən olan gimnastlara “Heavenly Grace” Beynəlxalq Assosiasiyası uğrunda yarışmaq imkanı verdiyinə görə təşəkkür edirik! Bunun sayəsində daha çox idmançı öz bacarıqlarını nümayiş etdirə bildi.
İştirakçıları uğurlu çıxışlarına görə təbrik edirik! Hər çıxış unudulmazdı. Gimnastlara öz məşqlərini hazırlamağa və turnirə əla formada gəlməyə kömək edən bütün məşqçilərə, xoreoqraflara və mütəxəssislərə təşəkkür edirik!

Hakimlərə peşəkarlığına və qərəzsizliyinə görə təşəkkür edirəm. Turnirə verdiyiniz töhfə əvəzsizdir.

Biz birlikdə bədii gimnastikanın inkişafı üzərində işləməyə davam edəcəyik ki, dünyada getdikcə daha çox gənc istedadlar şans qazansınlar!”, - Kabayeva sosial şəbəkələrdəki paylaşımında vurğulayıb.

Rusiya gimnastları MDB Oyunlarında doqquz qızıl medalın hamısını qazanıblar. Onlardan ikisi “Heavenly Grace” Assosiyasının gimnastı Yeva Çevtayevayanın payına düşüb. Azərbaycan gimnastları səkkiz medal qazanıblar: dörd gümüş və dörd bürünc.

Xatırladaq ki, oktyabrın 8-də Gəncə şəhər stadionunda III MDB Oyunlarının bağlanış mərasimi keçirilib.