Elə dünən təqdim etdiyimiz vətəndaş müraciətindən aydın olurdu ki, "Azəriqaz" İstehsalat Birliyinin işçiləri imtahan etməsi əslində, növbəti korrupsiya və özbaşınalıq faktından başqa bir şey deyil. Belə ki, Gəncə Regional Qaz İstismarı İdarəsinin Goranbay Xidmət Sahəsində çalışan Xəlilova Könül Tahir qızının yazdıqlarınıdan onun imtahanda yüksək nəticə göstərməsinə və hətta adının siyahıya düşməsinə rəğmən yenə də işsiz qalması bəlli oldu. Yəni "AZƏRİQAZ"ın öz işçilərinə qarşı əməlli başlı ayrıseçkilik etməsi faktı mövcuddur ki, bunu sübut edən növbəti ifşanı təqdim edirik.

Belə ki, bu barədə yazan Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı özünün sosial şəbəkə hesabında bildirir:

"SOCAR Azəriqaz İB Lənkaran RQİİ Masallı XS-dən yazdılar ki, Lənkəran RQİİ-nin Masallı XS-nin Masallı rayonu üzrə Qəza-Bərpa Xidmətinə rəis vəzifəsinə imtahanda cəmi ✅19 bal toplamış bir şəxs təyin olunub. Maraqlıdır, görəsən bu vəzifəyə təyin olunan şəxsin hansı üstün cəhətləri nəzərə alınıb??
Qeyd edək ki, imtahanda zəif nəticə göstərən həmin şəxs əvvəlcə mühəndis vəzifəsindən usta vəzifəsinə keçirilib, cəmi bir həftə sonra isə xidmət rəisi təyin edilib.☝"

Yəni aydın olur ki, AZƏRİQAZ-da rəhbərlik istəyəndə imtahanda zəif nəticə göstərmiş birisini hətta yüksək vəzifəyə belə təyin edə bilər, amma eyni zamanda imtahanda yüksək bal toplayan işçini də ixtisara sala bilər. Bu, faktdır və buna görə mütləq CAVAB VERİLMƏLİDİR...