Fövqəladə Hallar Naziri Kəmaləddin Heydərov neçə müddət idi ki, nəzarətində saxladığı biznes şəbəkəsindən imtina etməsi ilə diqqətə gəlirdi ki, bu dəfə geridönüş müşahidə olunmaqdadır. "DİA-AZ" xatırladaq ki, bu günlərdə anoloji olaraq Naxçıvan Ali Məclisinin sabiq rəhbəri Vasift Talıbovla bağlı da oxşar xəbəri almışdıq və onun oğlu Gürcüstandakı köhnə obyektini satın alması ilə diqqət mərkəzinə düşmüşdü. Bu dəfə isə...

Rəsmi xəbərə görə, Fövqəladə Hallar Nazirliyi (FHN) Bakı şəhəri, Xəzər rayonu, Mərdəkan qəsəbəsi, Sahil çimərliyində inşa olunan obyektin istismarına icazə verib.
"DİA-AZ" xəbər verir ki, tikinti sahəsi 82,5 kvadratmetr olan bina 1 mərtəbədən ibarətdir.
Qeyd edək ki, FHN qeyri-yaşayış binasına 18 sentyabr 2025-ci il tarixli 09180 nömrəli istismara hazırlıq rəyi verib.
Məlumat üçün bildirək ki, obyektin sifarişçisi “Gilan” MMC (VÖEN – 1500032071) olub.
Nizamnamə kapitalı 10 manat olan “Gilan” MMC 10 iyun 2004-cü ildə dövlət qeydiyyatına alınıb. Hüquqi ünvanı Nərimanov rayonu, Keşlə Stansiyası, ev Yataqxana 2-də yerləşən MMC-nin qanuni təmsilçisi Əliyev Zülfiqar Feyruz oğludur.
Onu da qeyd edək ki, hazırda “Gilan” MMC-nin dövlət büdcəsinə 39 min 199 manat 49 qəpik vergi borcu var. Və qeyd etdiyimiz kimi, “Gilan” MMC DHN şefi Kəmaləddin Heydərova məxsusdur və bu səbəbdən sözügedən fakt FHN şefinin geridönüşü kimi dəyərləndirilir...