“Təbii sərvətlər gec-tez tükənəcək. Tükənməz sərvət intellektual potensialdır, amma o halda ki, buna sərmayə qoyularsa. O sərmayəni dövlət qoymalıdır. Ölkənin elm ictimaiyyəti, alimlər bu istiqamətdə öz səylərini göstərməlidirlər.”
(Azərbaycan Prezidenti İlham Əliyev).
“Biz prosesləri yox, nəticələri maliyyələşdiririk (Emin Əmrullayev).
Nazirin sözü prezidentin sözündən tam fərqlidir.
Tribuna-nın xəbərinə görə, prezidentdən və nazirdən sitat gətirən dosent İlham Əhmədovun fikrincə, hiss edilir ki, nazir elm və təhsil sahəsində tam təcrübəsizdir:
“Baxmayaraq ki, 12 ildir nazirlikdə yüksək vəzifələrdədir, bunun 5 ilini də nazirdir.
Prezidentin sözü inkişafa, nazirin sözü tənəzzülə hesablanıb.
Ona görə də elm və təhsilə ayrılan büdcə israf edilir, nəticəsiz olur. Son 5 ildə bu daha aydın görünür.
Proseslər maliyyələşməsə, nəticə olarmı?”.
