Təhsil Nazirliyinin Təsərrüfat Hesablı Əsaslı Tikinti və Təchizat İdarəsi elan etdiyi tenderi yekunlaşdırıb.

"DİA-AZ" xəbər verir ki, tender sanitar-gigiyena xidmətlərinin (deratizasiya, dezinseksiya və dezinfeksiya) göstərilməsinin satınalınması üzrə elan edilmişdi. Tender çərçivəsində 61 300 335,32 m² ərazidə deratizasiya, 62 249 768,54 m² ərazidə dezinseksiya və 58 392 255,74 m² ərazidə dezinfeksiya xidmətləri göstəriləcək.

Tenderin qalibi “Ecomedi” QSC (VÖEN: 1505088721) olub və şirkətlə bağlanan müqavilənin dəyəri 5 637 582 manat təşkil edir.

“Ecomedi” QSC sözügedən tenderdən əvvəl də bir sıra dövlət qurumlarının tenderlərində qalib olub. Şirkət 31 iyul 2025-ci ildə Azərbaycan Respublikası İnsan Hüquqları üzrə Müvəkkili (Ombudsman) tərəfindən keçirilən açıq tenderdə qalib gələrək 5 763 manat dəyərində dezinfeksiya və təmizlik xidməti göstərib. 26 iyul 2025-ci ildə isə “Şamaxı Rayon Mərkəzi Xəstəxanası” PHŞ-nin sanitariya-gigiyena və digər xidmətlər (dezinfeksiya işlərinin görülməsi) üzrə keçirdiyi tenderi qazanaraq 17 886 manatlıq müqavilə imzalayıb.

Bundan öncə, 7 fevral 2025-ci ildə “Yeni Klinika” PHŞ-nin 2025-ci il üçün dezinfeksiya, dezinseksiya və deratizasiya xidmətlərinin satınalınması tenderində qalib gələn şirkət 22 897 manatlıq sifariş əldə edib. Həmçinin, 28 yanvar 2025-ci ildə Azərbaycan Tibb Universitetinin 2025-ci il üçün dezinfeksiya xidmətlərinin satınalınması üzrə açıq tenderini qazanaraq 58 675 manat məbləğində müqavilə bağlayıb.

Qeyd edək ki, “Ecomedi” QSC 2020-ci ildə yaradılıb, nizamnamə kapitalı 2 000 manatdır. Şirkətin qanuni təmsilçisi Cövdət Mehdixanlı Tofiq oğludur. Hüquqi ünvanı Bakı şəhəri, Nərimanov rayonu, Ziya Bünyadov küçəsi, bina 1, mərtəbə 1, 1965-ci məhəllədə yerləşir.