Avropa Ukrayna münaqişəsi kontekstində acizlik nümayiş etdirir, yeni dünya düzənində Qərbin arxa plana çəkilməsini qəbul etmir.

Axar.az xəbər verir ki, bunu Fransanın ABŞ-dakı keçmiş səfiri Jerar Aro deyib.

"Biz Qərbin hökmranlığı dövrünün sonunu yaşayırıq. Bu, həm qlobal güc balansının Qərbin xeyrinə olmayaraq tədricən dəyişməsi, həm də onun lideri və himayədarı olan Amerika “jandarmının” artıq bu rolu oynamaq istəməməsi ilə bağlıdır. Avropa dövlətlərinin başçıları Rusiyaya münasibətdə dönməz qalmaqda israr edirlər, lakin qələbəyə nail olmaq üçün praktiki vasitələr təklif etmirlər ki, bu da indiki şəraitdə mümkün deyil",- o bildirib.