Bakı-Quba avtomagistralının Xızı rayonunun Yeni Yaşma qəsəbəsindən keçən hissəsində yolboyu əkilən ağacların su altında qaldığı ilə bağlı məlumat vermişdik. Belə ki, mayın 12-də Bizim.Media-da dərc olunan materialda sözügedən ərazidə vəziyyətin acınacaqlı olduğu aydın görünürdü.
Artıq həmin ərazini su basmasından 4 aydan çox vaxt keçib...
Bizim.Media-nın yerli bürosunun əməkdaşı yenidən hadisə yerində olub. Qarşılaşdığımız mənzərə isə daha da ürəkağrıdıcı idi. Belə ki, həmin ərazidə su altında qalmış ağacların çoxu artıq quruyub. Üstəlik quruyan ağacların bəziləri qırılıb, su altında qalan torpaqlarda isə iri çatlar əmələ gəlib.
Xatırladaq ki, sözügedən problemi gündəmə gətirdiyimiz vaxt bir çox rəsmi quruma müraciət etmişdik.
Xızı rayon İcra Hakimiyyəti və Ekologiya və Təbii Sərvətlər Nazirliyindən bildirilmişdi ki, həmin massiv onların xidməti ərazisinə daxil deyil.
“Azərişıq ASC”dən isə sorğumuza eyni cavab verilərək, "Yeni Yaşma Külək Enerji parkı" lövhəsinin yalnız tanıtma məqsədi ilə vurulduğu deyilmişdi.
Bakı-Quba avtomagistralının Xızı rayonunun Yeni Yaşma qəsəbəsindən keçən hissəsində yolboyu əkilən ağacların su altında qaldığı ilə bağlı məlumat vermişdik. Belə ki, mayın 12-də Bizim.Media-da dərc olunan materialda sözügedən ərazidə vəziyyətin acınacaqlı olduğu aydın görünürdü.
