"DİA-AZ" xəbər verir ki, Bakı şəhər İcra Hakimiyyətinin başçısı Eldar Əzizov iddia edib ki, Azərbaycandakı yaşayış səviyyəsi Fransa ilə müqayisə olunacaq səviyyədədir.

"DİA-AZ"ın məlumatına görə, “Fakt Yoxla” araşdırma qrupu bu iddianın doğru olub-olmadığını araşdırıb.

✅ BMT-nin İnsan İnkişafı İndeksinə görə Fransa “çox yüksək inkişaf etmiş”, Azərbaycan isə “yüksək inkişaf etmiş” ölkə sayılır.

 Sağlamlıq, təhsil və gəlir kimi əsas göstəricilərdə Fransa Azərbaycandan xeyli öndədir.

 Fransada adambaşına düşən gəlir, gözlənilən ömür uzunluğu və təhsil səviyyəsi Azərbaycandan daha yüksəkdir.

Fransada minimum əməkhaqqı 1802 avro, Azərbaycanda 218 avrodur. Minimum pensiya Azərbaycanda 165 avro, Fransada isə 747 avroya bərabərdir.

2025-ci il üzrə digər sosial-iqtisadi göstəricilərdə də Fransa Azərbaycandan üstün mövqedədir.

"DİA-AZ" bildirir ki, “Fakt Yoxla”nın gəldiyi nəticəyə görə, Eldar Əzizovun iddiası yanlışdır.

 Azərbaycandakı yaşayış səviyyəsini Fransa ilə müqayisə edən Bakı meri yəqin özünü Baden-Badenin mavi gecələrində olduğu kimi hiss edir... yəni kef içində... Amma reallıq tamam fərqlidir və ondan fərqli olaraq Azərbaycan xalqı özünü maliyyə naziri Sahil Babayevin tədarükündə olduğu sürpriz dolu 2026-cı ilə hazırlayır... Yəni necə sağ qalmağın axtarışındadır hər kəs...