Azərbaycan və Ermənistan liderlərinin görüşləri mütəmadi olaraq davam edir.

Bunu Redaktor.az-a açıqlamasında Milli Məclisin deputatı Elman Məmmədov bu gün Kopenhagendə Azərbaycan Prezidenti İlham Əliyevin Ermənistanın Baş naziri Nikol Paşinyan ilə görüşünü şərh edərkən dedi.

Onun sözlərinə görə, hər iki tərəfdən təhkim olunmuş məsul vəzifəli şəxslər var ki, onlar arasında mütəmadi olaraq sülh sazişinin imzalanması ilə bağlı problemlər danışılır və həll olunur.

"Bizi maraqlandıran əsas məsələ odur ki, Azərbaycanın haqlı tələbləri, beynəlxalq hüquqa uyğun tələbləri yerinə yetirilməli və icra olunmalıdır. Burada bizi əsas maraqlandıran bir neçə məsələ var, bu, hamımıza məlumdur. İndi ortaya ola bilər ki, təzminat məsələsi də gəlsin və ya cinayətkarların bizə təhvil verilməsi və s. müəyyən məsələlər ortaya çıxsın. Bunlar paraflanmada da nəzərdə tutulub. Mən hesab edirəm ki, Azərbaycan tərəfi olaraq biz öz tələblərimizdə haqlıyıq və bu istiqamətdə də işlər gedir. Yaxın vaxtlarda, yəqin ki, bir neçə ay içərisində bu sülh sazişinin imzalanması baş tuta bilər", - deyə Elman Məmmədov əlavə etdi.