Neftçilərin Hüquqlarının Müdafiəsi Təşkilatının (NHMT) sədri, tanınmış hüquq müdafiəçisi Mirvari Qəhrəmanlı özünün sosial şəbəkə hesabında növbəti iddia ilə bağlı əlaqədar qurum və şəxsləri tədbir görməyə çağırıb.
"Araşdırılmasına, dəqiqləşdirilməsinə və nəzarətə götürülməsinə ciddi ehtiyac duyulur... Həm də mütləq☝️..." deyə çağırış edən NHMT sədri SOCAR "Azəriqaz" İstehsalat Birliyinin işçilərindən birinə istinadla yazır:
"SOCAR Azəriqaz İB Masalli Xidmət sahəsinin vəzifəli şəxsi (ad ,soyad qeyd olunub) bütün işçiləri dünən yığdı otağına və dedi ki, sabahdan (yəni bu gün... həm də qeyri -iş günü olmasına baxmayaraq) sayğac oxunuşuna çıxacağıq... Hər bir işçi hər abonentə ✅30 kub qaz artıq yazsın ki, biz itkini bağlaya bilək. Bu nə dərəcədə düzgündür?"
"DİA-AZ" xəbər verir ki, NHMT sədri anoloji prosesin digər rayonlarda da baş verəcəyi ilə bağlı xəbərdarlıq edib. M.Qəhrəmanlı yazır: "Aldığım son məlumatda bildirilir ki, yuxarıda qeyd edilən prosesin (abonentlərin hesabına artıq qazın yazılması) başqa rayonlarda da (Quba, Xaçmaz, Astara, Biləsuvar, Kürdəmir, Göyçay və Şamaxı) aparılması planlaşdırılıb.
Bu halda hörmətli abonentlərə müraciət edirəm: sayğacınızdan muğayat olun☝"
