"Dövlət Su Ehtiyatları Agentliyi... Çox vacib adı var, Dövlət Su Ehtiyatları... Yəni, bu qurum həm dövlətin su ehtiyyatlarını toplamalıdır, həm də insanları su ilə qidalandırmalıdır". "DİA-AZ" xəbər verir ki, bunu özünün sosial şəbəkə hesabında tanınmış jurnalist Ədil Hüseynov yazıb.

Jurnalist daha sonra bildirir: "Ondan başlayım ki, Agentliyin rəhbəri Zaur Rauf oğlu Mikayılovur. Wikipediadayazılır ki, 1974-cü ildə Şamaxı rayonunda anadan olub, 1999-cu ildə Boğaziçi Universitetinin "Biznesin idarə olunması" fakültəsini bitirib. Müxtəlif illərdə "Paşa Holdinq"in strukturuna daxil olan müxtəlif şirkətlərdə - Baş menecer, Baş diorektor və sair kimi vəzifələrdə çalışıb.

2021-ci ildə Azərbaycan Meliorasiya və Su Təsərrüfatı Açıq Səhmdar Cəmiyyətinin sədri təyin edilib. 2 il sonra isə 2023-cü ildı Azərbaycan Dövlət Su Ehtiyatları Agentliyinin sədri təyin edilib. Artıq 2 ildir ki, bu postda çalışır.

Təyinatdan bir neçə ay sonra Zaur Mikayılovun kadr siyasəti ilə bağlı olduqca maraqlı məlumatlar yayıldı. Bəlli oldu ki, o öz yaxın qohumlarını elə rəhbəri olduğu qurumda yüksək vəzifələrə təyin edir və dövlət qurumunu necə deyərlər, özünün şəxsi şirkətinə çevirib. Təbii ki, bu kimi məlumatlar təkzib də olunmadı və əvəzində qurum rəhbərliyi başqa yol seçdi. Sürətli şəkildə mətbuatla əməkdaşlıq yaradıldı və "reklam" adı altında mətbuat söhbəti birmənalı olaraq qapadıldı, necə deyərlər, verən də sevincli, alan da. İndi Zaur Mikayılov olduqca rahat və güvənli şəkildə öz işində-gücündədir, çünki bilir ki, daha media ondan tənqidi nəsə yazmayacaq, problemləri işıqlandırmayacaq, bu məsələ həll edilib, rahatcılıqdır.

Ölkə əhalisinin su təminatı, əsasən də suyun təmizliyi nəinki yetərli deyil, ümumiyyətlə, bərbaddır. Bildiyimiz kimi, tarix boyu Bakı kəndləri susuzluqdan əziyyət çəkib və bu hələ də davam edir. Bu günlərdə Dövlət Su Ehtiyatları Agentliyinin yaydığı məlumatlarda deyilirdi ki, Xəzər rayonu, Şağan qəsəbəsinin Təzə Sahə Massivinə su çəkilir, kanalizasiya xəttləri qurulur və artıq tamamlanmaq üzrədir.

Sonradan bəlli oldu ki, massivdə ümumiyyətlə, belə bir iş görülmür. Yaxşı, bəs Şağan 1 Təzə Sahə Massivində yaşayan onminlərlə sakin su problemini necə həll edir?

Yaxşı sualdır və yəqin ki, əzizxələf Zaur Mikayılov bu sualın cavabını bilir, əgər bilmirsə, mən deüyim bilsin. Bu Massivin sakinlərinin yarısı kanal suyu içir, yarsı palçıqdan bir qədər fərqlənən, suyaoxşayan nəsə içir, yerdə qalanı da oğurluq 2-4 km məsafədən kiçik borularla gətirdikləri mənbəyi bəlli olmayan xəttlərdən götürülmüş suyu istifasdə edir.

Diqqətləri yenə də massivə çəkilən su xətti ilə bağlı yayılan məlumata yönəldim.

Yoldaş Mikayılov, bəs Massivə su çəkirdiz, daha sonra kanalizaziya xətti, işlər nə yerdədir? Ayrılmış vəsaitin nə qədəri xərclənib, nə qədər boru almısız, nə qədəri tamamlanıb? Yaxşı sualı Zaur müəllim üçün bir qədər fərqli qoyaq, bu ərazidə yaşayan insanlar bu işi, boruları, xəttləri niyə görə bilmir?

Qeyd edim ki, Şağan 1 Təzə Sahə Massivi hansısa ucqar kənd deyil, Bakı şəhərinin ən gözəl qəsəbəsi olan Buzovna ilə bitişikdir. Yolun kənarında, çox gözəl və şəhərə yaxın bir ərazidədir. Amma bu massivdə nə kanalizasiya var, nə də su..."