Milli Şuranın üzvü, sabiq deputat Gültəkin Hacıbəyli Türkiyədə saxlanılıb.
Lent.az-ın məlumatına görə, bu barədə onun özü məlumat yayıb.
Əldə olunan məlumata görə, Gültəkin Hacıbəyli İstanbul Atnavutköy deportasiya məntəqəsinə gətirilib, onunla bağlı sənədləşmə başa çatdıqdan sonra Azərbaycana deport ediləcəyi gözlənilir.
Qeyd edək ki, dünən Azərbaycan Xalq Cəbhəsi Partiyasının sədri ( AXCP) Əli Kərimli və partiyanın Rəyasət Heyətinin üzvü Məmməd İbrahimin evində axtarış aparılıb və onlar dindirilmək üçün Dövlət Təhlükəsizliyi Xidmətinə ( DTX) aparılıblar.
Məlumata görə, proses Ramiz Mehdiyevin DTX-da istintaq olunan cinayət işi ilə əlaqədardır.
Xatırladaq ki, Prezident Administrasiyasının sabiq rəhbəri Ramiz Mehdiyev Cinayət Məcəlləsinin 278.1 (dövlət hakimiyyətini ələ keçirməyə yönələn əməllər), 274 (dövlətə xəyanət) və 193-1.3.2-ci (cinayət yolu ilə əldə edilmiş əmlakı leqallaşdırma) maddələri ilə ittiham olunur.
