""Kontakt Home"-un etdiyini heç bir özünə dəyər verən şirkət etməzdi ki, onlar etdilər. Black Friday-də aldığım TV-ni 4 dekabrda səhv gətirib(başqasını, daha ucuzunu) və gediblər..." "DİA-AZ" xəbər verir ki, bu barədə "Müştəriyəm Şikayətim Var" sosial qrupundakı paylaşımında İsa Şərfiov adlı istifadəçi giley edir.
Narazı vətəndaş daha sonra yazır: "Elə həmin günü 19:00-da əlaqə saxlayıb problemi bildirdim, əməkdaş qeydə aldı(whatsapp-la da şəkilləri dediyi nömrəyə göndərdim). Lakin hadisələr elə bundan sonra cərəyan etməyə başladı.
O gündən bu günə kimi demək olar hər gün zəng edib problemimi demişəm və hər dəfə də eyni şeyi deyiblər: müraciətinizi öncəlikləndirdik əlaqə saxlayacaqlar. İşin digər maraqlı tərəfi odur ki, işçilərə deyirəm şirkəti antiinhisara şikayət edəcəm ( ayin 13-u artiq etmişəm onlarda zəngimi götürəndə baxılır deyir) və bu gün də post paylaşacağımı dedim reaksiya eyni.
Sözümün canı: bu şirkətdən bir şey almaq istəyirsinizsə, zəhmət olmasa dəfələrlə düşünün və yazdıqlarımı unutmayıb qərar verin..."
