Emsan Azərbaycan Dövlət Vergi Xidməti tərəfindən yüksək məbləğdə maliyyə sanksiyası tətbiq olunaraq cərimə edilib. Bu barədə Dövlət Vergi Xidmətinin rəsmi səhifəsində qeyd olunub.
Xəbər verdiyimiz kimi Emsan Azərbaycan mağazalar şəbəkəsinin Binəqədi rayonu Cəfər Xəndan 85 B ünvanında alış-veriş edən vətəndaş ədv-ni geri almaq istəsə də QR kodu oxuda bilməmişdi. Bundan əlavə müştəriyə iki müxtəlif VÖEN-lə verilən çekin birində Emsan mağazasının Binəqədi rayonu Cəfər Xəndan küçəsi 85B ünvanı, post terminalla ödənilən çekdə isə Sumqayıtda olan ünvan qeyd olunmuşdu.
"DİA-AZ" xəbər verir ki, “ajans.az” məsələ ilə bağlı Dövlət Vergi Xidmətinə sorğu ünvanladıqdan sonra Emsan Azərbaycanla bağlı araşdırma başlanılıb.
Dövlət Vergi Xidmətindən bildirilib ki, qaldırılmış məsələ ilə bağlı müvafiq nəzarət tədbirləri keçirilib və aşkar edilmiş faktlar nəticəsi üzrə rəsmiləşdirilib.
“Ajans.az” Emsan Azərbaycanın rəsmi saytında göstərilən VÖEN və müştəriyə verilən çeklərin birində olan VÖEN Dövlət Vergi Xidmətinin saytında yoxlayıb. Nəticədə Emsan Azərbaycana yüksək məbləğdə maliyyə sanksiyasının tətbiq edilərək cərimə edildiyi məlum olub.
Emsan Azəbaycanın rəsmi səhifəsində qeyd olunan VÖEN üzrə (1404162242) Dövlət Vergi Xidmətinin rəsmi saytında yoxladıqda məlum olur ki, Operativ vergi nəzarəti üzrə - İşlərin (xidmətlərin) yerinə yetirilməsinə cəlb edilmiş fiziki şəxslərlə işəgötürən arasınnda əmək müqaviləsinin hüquqi qüvvəyə minməsinə Operativ Vergi Nəzarətinin nəticələri haqqında - AKT-a əsasən 4000 manat maliyyə sanksiyası tətbiq edilmişdir..
Operativ vergi nəzarəti üzrə - Əhali ilə pul hesablaşmalarının aparılması qaydalarına riayyət olunması vəziyyəti haqqında AKT-a əsasən 1000 manat maliyyə sanksiyası tətbiq edilib.
Emsan Azərbaycanda alış – veriş zamanı müştəriyə verilən çekdə qeyd olunan digər VÖEN üzrə (0201314512) Dövlət Vergi Xidmətinin rəsmi saytında yoxladıqda məlum oldu ki, vergi öhdəlikləri üzrə - 2022-ci il üzrə Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə 2 hal üzrə ümumilikdə 80.00 manat maliyyə sanksiyası tətbiq edilib. Vergi öhdəlikləri üzrə - 2023-cü il üzrə Vergi Məcəlləsinə uyğun olaraq vergi hesabatını və ya onu əvəz edən arayışı vaxtında təqdim etməməyə görə 1 hal üzrə ümumilikdə 40.00 manat maliyyə sanksiyası tətbiq edilib.
Emsan Azərbaycan rəsmi olaraq məsələyə münasibət bildirməyib.
