Seksual xarakterli zorakılıq hərəkətləri etməkdə, seksual xarakterli hərəkətlərə məcbur etmədə, on altı yaşına çatmayan şəxsə qarşı əxlaqsız hərəkətlər etməkdə, şəxsi həyatın toxunulmazlığını pozmada və uşaq pornoqrafiyasının dövriyyəsində təqsirləndirilən Elsevər İmanovun (adı, soyadı şərtidir) cinayət işi üzrə məhkəmə iclası başa çatıb.
Pravda.az-ın əldə etdiyi məlumata görə, Lənkəran Ağır Cinayətlər Məhkəməsinin hakimi Ayşən Vəliyevanın sədrliyi ilə keçirilən prosesdə hökm oxunub.
Məhkəmənin hökmü ilə o, 18 il 6 ay müddətə azadlıqdan məhrum edilib.
İttihama görə, 1988-ci il təvəllüdlü Elsevər İmanov 12 iyul 2024-cü il tarixdən etibarən Salyan rayonunda övladının sinif yoldaşı olan 2010-cu il təvəllüdlü, hadisə zamanı 14 yaşlı yetkinlik yaşına çatmayan, zərərçəkmiş M.M. (adı, soyadı şərtidir) ilə “whatsapp” vasitəsi ilə əlaqə yaradaraq özünü “Əli” adı ilə təqdim edib. O, zərərçəkmişin inamını qazanıb sevgi münasibəti qurduqdan sonra “whatsapp” vasitəsilə kişi cinsiyyət orqanının fotosunu, həmçinin digər pornoqrafik xarakterli intim foto və videoları M.M.-ə göndərib, onu açıq seksual xarakterli mövzularda danışmağa təşviq edib. Elsevər M.M.-ə yalandan guya onunla ailə həyatı quracağını bildirib qızdan çılpaq foto şəkillərini və videolarını, qız uşağı olub-olmamasını yoxlamaq üçün real cinsi orqanını əks etdirən videolarını çəkib ona göndərib. Eyni zamanda o, zərərçəkmiş şəxsə aid şəxsi həyata dair uşaq pornoqrafiyasını əks etdirən materialları qanunsuz toplamaqla əldə edərək istifadə etdiyi telefonda saxlayıb.
26 avqust 2024-cü il tarixdə, gecə saat 01 radələrində M.M.-in yaşadığı evin yataq otağında 3-4 dəfə zərərçəkmiş şəxsə qarşı seksual xarakterli zorakılıq hərəkətləri edib. Daha sonra o, 12 sentyabr 2024-cü il tarixədək zərərçəkmiş şəxs ilə telefon danışıqları zamanı qızın ondan sair asılılığına görə çılpaq video və fotolarını sosial şəbəkələrdə paylaşacağı və başqa şəxslərə yayacağı ilə hədə-qorxu gələrək dəfələrlə cinsi əlaqəyə girməyə və seksual xarakterli digər hərəkətlərə məcbur edib. Zərərçəkmiş şəxs ondan ayrılmasından və ona qarşı etdiyi cinayət əməlləri barəsində anasına məlumat verməsindən sonra M.M.-dən qisas almaq məqsədi ilə Elsevər 01 oktyabr 2024-cü il tarixdə “Tik-Tok” platformasında özünə məxsus profili adı altında 14 yaşlı zərərçəkmişin şəxsi həyatının sirri olan məlumatları hesab olunan, uşaq pornoqrafiyasını əks etdirən çılpaq video və fotoçəkiliş materiallarını geniş istifadəçi kütləsi olan həmin platformada paylaşaraq yayıb.
