“Bakı və İrəvan razılığa gəliblər ki, sülh sənədi üzrə danışıqlardan kommunikasiyaların bloklanması məsələsini çıxarsınlar və sonra müzakirə etsinlər.
Əgər Bakı üçün bu məqam dəhlizə sahib olmaq imkanıdırsa, İrəvan üçün blokadanı yarmaq üçün fürsətdir. Amma bu, heç bir halda dəhliz bahasına edilə bilməz”.
“Cebhenfo.az” xəbər verir ki, bunu parlamentin müxalifətçi deputatı, Ermənistan Respublika Partiyasının üzvü Tiqran Abramyan öz “Facebook” səhifəsində yazıb.
“Azərbaycan iddia edir ki, bu addımı onlar üçün prioritet olan Ermənistan Konstitusiyasına dəyişiklik edilməsi məsələsinin tezliklə həll olunması üçün atıb. Tərəflərin konkret hansı istiqamətdə və hansı məsələləri müzakirə etdiyi yalnız ümumi mənada aydındır. Əsas məsələlərdən biri Azərbaycanın son 4 ildə fəal şəkildə işlədiyi sərhəd nizamlanması məsələsidir”, - deyə deputat qeyd edib.
