"Astanada keçirilən Silk Way Star finalında Azərbaycanı münsiflər heyətində təmsil etmək mənim üçün böyük şərəf idi".

Axşam.az xəbər verir ki, bu sözləri müğənni Samirə Əfəndi sosial şəbəkədə yazıb. Sənətçi musiqinin onun üçün siyasətdən kənar olduğunu bildirib:

"Finalçıların hər biri yüksək səviyyəli, istedadlı və səhnə mədəniyyətinə malik ifaçı idi. Onların hər biri öz unikal səsi, performansı və yaradıcılığı ilə finala layiq görülmüşdü. Buna görə də 12 ölkədən finala çıxan 7 ölkənin hər birini ən yüksək xal ilə (Çin, Ermənistan, Gürcüstan, Qazaxıstan, Malayziya, Monqolustan, Özbəkistan - 12 xal) qiymətləndirdim. Bu, hər bir iştirakçının əməyinə və istedadına olan hörmətimin ifadəsidir.
Mənim üçün musiqi siyasətdən kənardır və həmişə insanları birləşdirən bir vasitə olaraq qalacaq".

Qeyd edək ki, Samirə beynəlxalq musiqi layihəsində erməni iştirakçı Saro Gevorqyana 12 xal verməsinə görə tənqid edilmişdi.