Ağdam, Füzuli və Xocavənd Rayonlarında Bərpa, Tikinti və İdarəetmə Xidməti PHŞ təmir işlərinin satın alınması üzrə 2,4 milyon manatlıq müqavilə imzalayıb.
"DİA-AZ" xəbər verir ki, satınalma “Bir mənbə” metodu ilə həyata keçirilib.
Satınalamda Xocavənd rayonunun Qarqar kəndində fərdi yaşayış evlərinin (40 ev – 6 min 732 kvadratmetr) təmiri nəzərdə tutulur.
Layihənin icrası üçün müqavilə “RTS-Tikinti-Təmir” Məhdud Məsuliyyətli Cəmiyyəti (VÖEN: 1805604231) ilə bağlanıb. Müqavilənin ümumi məbləği 2 milyon 356 min 200 manat 81 qəpik təşkil edir.
10 manat nizamnamə kapitalına malik olan “RTS-Tikinti-Təmir” 15 noyabr 2021-ci ildə dövlət qeydiyyatına alınıb. Qanuni təmsilçisi Tənifəyev Adəm Ələsgər oğludur. Hüquqi ünvanı Az1021, Bakı Şəhəri Səbail Rayonu, Badamdar Ştq, Rafiq İsgəndərov (Badamdar Qəs.), ev.4A, m.60A ünvanıdır.
