"Yaşımın heç bir fərqi yoxdur. Necə görünürəmsə odur. İnsan özü özünü yaşadır. 65 yaşım var. Dekabrın 23-də oldu. Əlbəttə ki, əməliyyat etdirmişəm. Yaşımı gizlətmirəmsə, niyə əməliyyatı gizlədim?".

Axşam.az xəbər verir ki, bu sözləri Xalq artisti Nazpəri Dostəliyeva "Həftənin qonağı" verilişində deyib. Müğənni formada qalma sirrini açıqlayıb. O bildirib ki, evində idman zalı düzəldib:

"Xanımlara arzu edirəm ki, özlərini özəl saxlasınlar. Sonra gəlib verilişdə şikayət etməsinlər ki, yoldaşım məni atdı. İnsan adi söhbəti ilə bir insanı özünə bağlaya bilər. Bir kəlməsi ilə kimisə uzaqlaşdıra bilər. Ağzından çıxan kəliməyə diqqət etməlidir. sağlamlığın qorusunlar. Bəzi hissələri əməliyyatla kəsib atırlar. Onu idmanla etsinlər. İdman zalına gedirəm. Qrupla, gözəl xanımlarla idman edirəm. Bağımda idmana aid olan hər şey var. O, şəraiti yaratmışam. Amma qrup şəklində daha yaxşıdır".