Xalq artisti, məşhur qarmon ifaçısı Ənvər Sadıqovun “Telegram” hesabı oğurlanıb.

Musavat.com bildirir ki, bu barədə Xalq artistinin özü məlumat yayıb.

Onun sözlərinə görə, sosial şəbəkədə onun adından saxta profil açılıb və izləyicilər aldadılmağa çalışılır.

“Teleqram kanalıma müdaxilə ediblər, sındırıblar. Xahiş edirəm, diqqətli olun. Yenidən qeydiyyatdan keçdim” – deyə, Ənvər Sadıqov izləyicilərinə müraciət edib.

Qeyd edək ki, son zamanlar bir sıra məşhurların sosial şəbəkə hesablarının oğurlanması və ya hack olunması halları artmaqdadır.

Mütəxəssislər bildirirlər ki, sosial şəbəkə fırıldaqçıları məşhur simaların adından istifadə edərək insanların etibarını qazanır və müxtəlif maliyyə dələduzluqları törədirlər. Ona görə də həm sənət adamlarının, həm də onların izləyicilərinin son dərəcə diqqətli olmaları vacibdir.