Milli Məclisin 71 yaşlı deputatı Aqil Abbasın Baku TV-yə fala baxması ilə bağlı verdiyi müsahibə ictimaiyyətdə müzakirələrə səbəb olub. Bir çoxu millət vəkilinin dediklərini zarafat kimi qəbul etsə də, fala baxdığına inananlar da var.
diaaz.space xəbər verir ki, mövzu ilə bağlı Globalinfo.az-a danışan Aqil Abbas bunun zarafat olduğunu bildirib:
“Belə bir şey yoxdur. Jurnalist xanım qarşıma çıxdı, mən də zarafat etdim. Görünür, camaat belə paylaşımları sevir, maraq göstərir.
Bəyəm, mən falçıyam?! Təəssüf ki, bizdə səmimi zarafatları qəbul edə bilmirlər. Gərək ciddi, kobud olasan, kamera görən kimi qalstukunu düzəldib, yaxanı düymələyəsən. Mən falçıya getmirəm, inanmıram və özüm də falçı deyiləm”.
