Xalq artisti Naibə Allahverdiyeva “Xəbərin varmı?” verilişində gənc aktrisa Zarina Qurbanovanın onun gənclik obrazını oynamasını istəyib. Sənətkar onu çox sevdiyini, oyun tərzini bəyəndiyini bildirib və aktrisanın ünvanına təriflər yağdırıb.

Moderator.az-a açıqlama verən aktrisa Zarina Qurbanova Naibə Allahverdiyevanın sözlərinə biganə qalmayıb:

“Naibə xanımın bu sözləri məni çox sevindirdi. Özünə də yazıb təşəkkür etdim. Bu həqiqətən mənim üçün fəxr olar. Yəqin ki, Naibə xanım öz gəncliyini məndə görüb. Aktrisa üçün bundan böyük sevinc və xoşbəxtlik ola bilərmi? Çox sevindim. Ümumiyyətlə Naibə xanım hər zaman gənclərə öz dəstəyini göstərir, dəyər verir, heç vaxt nəyisə əsirgəmir. Ağı-qaradan seçən insandır. Biz gənclərə dəstək və stimul çox önəmlidir. Bəzən deyilən bir söz insanı göyləyə qaldırır, ona xoşbəxtlik bəxş edir. Aktrisalarımızdan əslində çoxu mənə demişdi ki, gəncliyimi oynayarsan. Amma onlar bu sözü mənə efirdən yox, şəxsən demişdilər. Naibə xanım ürəkdir də, birbaşa efirdən dedi” deyə sənətçi bildirib.

Qeyd edək ki, Zarina Qurbanova bir çox film və seriallarda əsas rolları ifa edib. Aktrisa hazırda “Komedixana” da çıxış edir.