Suraxanı Rayon Məhkəməsində əzab vermədə təqsirləndirilən Nadir Balayevin (ad, soyadı şərtidir) cinayət işi üzrə məhkəmə istintaqı başa çatıb.

Pravda.az-ın əldə etdiyi məlumata görə, hakim Ünsüyyət Mirzəyevanın sədrliyi ilə keçirilən prosesdə hökm oxunub.

Məhkəmənin hökmü o, 2 il müddətinə azadlıqdan məhrum edilib.

İttihama görə, Nadir Balayev 2024-cü ilin iyul ayında paytaxtın Suraxanı rayonu ərazisində birgə yaşadıqları evdə arvadı, zərərçəkmiş Çimnaz Balayeva (ad, soyadı şərtidir) ilə şəxsi münasibətlər və qısqanclıq zəminində mübahisə edib. Mübahisə zamanı o, əzab vermək məqsədi ilə əsassız bəhanələr gətirərək arvadını “əxlaqsız” adlandınb heç bir əsaslı səbəb olmadan əl və ayaq zərbələri ilə qəsdən vuraraq, zərərçəkmiş şəxsin sağlamlığına yüngül xəsarətlər yetirib. Bu hal həmin ilin iyul ayında ümumilikdə 3 dəfə baş verib. Nadir Çimnazı döyərək pul müqabilində hotelə gedib başqa kişilərlə intim münasibətlərdə olduğunu etiraf etməyə məcbur edərək arvadına güclü fiziki ağrı və psixi iztirab verib.

Hadisədən sonra Nadir Balayev saxlanılıb və barəsində həbs qətimkan tədbiri seçilib.