Ermənistanın baş naziri Nikol Paşinyan öz "Facebook" səhifəsində video paylaşaraq belə yazıb:
“Velosiped havası deyil, işə metro ilə gəlmişəm...”
Moderator.az xəbər verir ki, "Armtimes" nəşrinin yaydığı məlumata görə, erməni Baş nazir ilk dəfə "QR" biletdən necə istifadə etdiyini və səyahət zamanı vətəndaşlarla ünsiyyət qurduğunu göstərib. “İlk dəfə idi ki, cəhd etdim, amma bileti saniyələr ərzində aldım. Nağdsız biletin alınması sistemi çox təsiredici idi”, - deyə Paşinyan bildirib.
O, "QR" kodlu kuponun götürülməsi prosesini göstərib, metroda ikinci qrup əlil olan vətəndaşla rastlaşdığını və fevralın 1-dən ictimai nəqliyyatda pulsuz gedə biləcəyindən xəbərsiz olduğunu bildirib.