Azərbaycanlı teleaparıcı Svetlana Zeynalova övladları ilə Rusiyanı tərk edib. Birinci Kanalın ulduzu bu barədə şəxsi bloqunda məlumat verib.
Lent.az Rusiya mediasına istinadla bildirir ki, onun tətil üçün xarici ölkələrin birinə getdiyi qeyd olunur:
“Biz adalarda tətil etmək üçün yola düşmüşük! Bir həftəyə enerjili və xoşbəxt qayıdacayıq. Saşa və Veronikaya özüm tətil təklif etdim, dərslərdə çox yorulurlar. Daha çox, əlbəttə ki, Saşa üçün: imtahanlardan əvvəl istirahət etmək və uğura aydın bir baxışla başlamaq üçün! Ümid edirəm bu işləyir”.
Teleaparıcı böyük qızına uşaq ikən autizm diaqnozu qoyulduğunu və buna inanmaq istəmədiyini gizlətmir. Zeynalovanın sözlərinə görə, o, qızına çox əvvəl kömək edə bilərdi, lakin baş verənləri dərhal qəbul edə bilməyib. Yeniyetmə inklüziv məktəbdə oxuyur və vaxtaşırı bir çox bacarıqlarda kəskin enişlər yaşayır. O, yenidən konsentrasiya üzərində işləməli olur.
Zeynalova ilk övladını media meneceri Aleksey Qlazatovdan dünyaya gətirib. Birinci Kanal ulduzu ondan 2012-ci ildə ayrılıb və müsahibəsində heç vaxt keçmiş sevgilisi haqqında danışmayıb.
Qadın jurnalistin 2020-ci ildə ayrıldığı marketoloq Dmitri Lenskidən də altı yaşlı Veronika adlı qızı var.
