İsmayıllıda təbiətin anasını belə ağladırlar

Ajans.az-ın əldə etdiyi məlumata görə, görüntülərdə rayon ərazisində, meşə zolağında onlarla ağacın əsasən də qoz ağaclarının kəsildiyi görünür. Kadrlarda ağac kötükləri və ətrafda səpələnmiş budaqlar aydın şəkildə seçilir.

Yerli sakinlər bildirib ki, hadisə bir neçə gündür davam edir. İddia olunur ki, Meşə zolağında qeyri qanuni olaraq çox sayda ağac kəsilib.

Onların sözlərinə görə, kəsilən ağacların bir hissəsi qurumuş olsa da, əksəriyyəti sağlam və yaşıldır. “Bu ağaclar onillərlə böyüyüb, indi bir neçə saata baltalanır. Əgər bu, icazəsizdirsə, günahkarlar tapılmalıdır,” deyə video çəkən rayon sakini bildirib.

Hazırda İsmayıllı sakinləri və ekoloji fəallar hadisənin obyektiv araşdırılmasını, təbiətə vurulan ziyanın aradan qaldırılmasını və məsul şəxslərin cəzalandırılmasını tələb edirlər.