BAKIDA YENİ KÜRD TƏŞKİLATI YARADILIR
27-01-2012, 15:42
«KÜRD XALQININ AZƏRBAYCAN CƏMİYYƏTİ»NDƏ KİMLƏR MARAQLIDIR?
DİA.AZ: - Son günlər Azərbaycanda kənar güclərin təsiri altında müxtəlif təhlükəli hərəkətlənmələr müşahidə olunmaqdadır. Ölkəmizdə həm etnik və həm də dini zəmində süni şəkildə əngəllərin yaradılmasında maraqlı olan xarici kəşfiyyat orqanları yenidən fəallaşıblar.
Bu barədə «Dünya» İnformasiya Agentliyi redaksiyasına (diaaz.space) daxil olan məlumatlardan aydın olur ki, Bakıda Türkiyədən olan kürd əsillilərlə bir qrup Azərbaycan vətəndaşının ortaq təşkilatı yaradılır.
Mənbəmiz bildirir ki, həmin təşkilat «Kürd Xalqının Azərbaycan Cəmiyyəti» adlanacaq: «Təşkilat birbaşa olaraq Türkiyədəki separatçılar tərəfindən yönəldiləcək. Və təşkilatın maliyyəsi də Türkiyədən ayrılır».
Məlumatlara görə, bu təşkilata əsasən, Azərbaycanın gənclərini cəlb etməyi düşünürlər: «Təşkilatın quruculuğunda iştirak edənlərin əsas marağı əsasən Kəlbəcər, Laçın və Qubadlı rayonlarından olan əhalinin kürdləşdirilməsindən ibarətdir. Yəni bu da o deməkdir ki, onlar sözügedən əhali arasında təbliğat apararaq, bu bölgədən olan soydaşlarımızın kürdləşdirilməsi işini davam etdirəcəklər».
Mövzu diqqətimizdədir…
Geri qayıt