BƏLƏDİYYƏ SƏDRİ RÜŞVƏT İSTƏYİB
28-11-2011, 15:01
KORRUPSİYA İLƏ BAĞLI YENİ HƏBS PLANLAŞDIRILIR
DİA.AZ: - Bakıdakı bələdiyyələrdən birinin sədrindən baş prokurorluq yanında korrupsiyaya qarşı mübarizə idarəsinə müraciət edilib. Bu barədə «Dünya» İnformasiya Agentliyiyi redaksiyasına (diaaz.space) hüquq-mühafizə orqanlarındakı mötəbər mənbələrdən məlumat daxil olub.
Məlumatlı mənbənin bildirdiyinə görə, bu günlərdə bələdiyyə sədrlərindən biri vətəndaş Qorxmaz Salıyevdən (ad şərtidir, bu əməliyyatın hazırlanması ilə əlaqələndirilir) 5 min manat rüşvət tələb edib:
«Artıq bununla bağlı KMİ tərəfindən əməliyyat hazırlanıb və bələdiyyə sədrinin həbsi planlaşdırılır».
Mənbəmiz onu da bildirdi ki, oxşar şikayətlər üzrə bir neçə dövlət qurumunda da həbslər gerçəkləşdirilə bilər: «Sadəcə olaraq, bununla bağlı müvafiq dövlət qurumlarının icazəsi gözlənilir».
Geri qayıt