Bütün məmurlara aiddir: insanlara xidmət hər kişinin işi deyil...

2011-ci ildə Alı Alıyev Füzuli rayonu İcra Hakimiyyətinin başçısı təyin edilib. 56 yaşı olub təyinat zamanı, indi 70 yaşı var. İcra başçısı kimi 15 ilini tamamlayır, mübarək olsun!.." "DİA-AZ" xəbər verir, bunu özünün sosial şəbəkə hesabında tanınmış jurnalist Ədil Hüseynov yazıb.

O daha sonra bildirir: "Çoxunun yadına gəlməz, onun təyinatı ilində dünya söhrətli Steve Jobs təzə ölmüşdü, heç qırxı da çıxmamışdı. Dünyanın 1 nömrəli terrorçusu Osama Ben Laden də öldürüləcəkdi.

Bunu niyə yazdım?

Oxuyuram ki, Füzulidən olan şəhidin 90 yaşlı anası İmanova Nazənim Hümbət qızı mətbuata deyib ki, oğlundan yadigar qalan yeganə ev dağılmış vəziyyətdədir. İcra başçısına kömək üçün müraciət edib, Alı Alıyev də nə desə yaxşıdır - "Pulum yoxdur".

Şəhid anası deyib ki, 32 il keçməsinə baxmayaraq, heç bir dövlət qurumu onlara yaxınlaşmayıb, dövlətin verdiyi müavinətdən əlavə heç kim şəhid anası ilə maraqlanmayıb. Bu 32 ilin düz 15 ilini Alı Alıyev Füzulinin icra başçısı olub.

Yaxşı, onda bu 15 ildə Alı Alıyev nə iş görüb?

Bacısı oğlu İltizamın əməllərini qaydasına qoya bilir, şəhid anasının probleminin həllinə gəldikdə pulu olmur? 15 il icra başçısı olmaqla deyil, insanlara xidmət hər kişinin işi deyil..."