Bir yandan banklar... bir yandan başçı..: Şabranda sahibkarı BELƏ MƏHV EDİRLƏR...

Şabran rayon sakini Şəmsəddin Məmmədyarov bildirir ki, 2014 və 2015-ci illərdə "Uni Bank" və "Turan Bank"dan kredit götürərək sahibkarlıqla məşğul olub. Xırda buynuzlu mal-qara aldığını deyən şikayətçi fermer təsərrüfatı yaratdığını qeyd edir.

"DİA-AZ"ın məlumatına görə, vətəndaş deyir ki, 2016-cı ildə dollar qalxdığı üçün ona adı çəkilən banklar külli miqdarda borc yazıb. Belə ki 23 min dollar götürdüyüni deyən Məmmədyarov borcunun 70 min dollara qalxdığını iddia edir. Vətəndaş deyir ki yığılan borcu ödəyə bilmədiyi üçün "Uni Bank" onun yaşadığı evini əlindən alıb.

Vətəndaş bildirir ki, 2015-ci ildən 2021-ci ilə qədər Şabran rayonunun icra hakimiyyətinin sərəncamı ilə 202 hektar torpaq sahəsi rəsmi şəkildə onun təsərrüfatına aid edilib. Şikayətçi qeyd edir ki 2021-ci ildə müqavilənin vaxtı bitdiyi üçün Şabran rayonunun icra hakimiyyəti Novruz Novruzovun qəbulunda olsa da, onun müraciətinə baxmayıb və onun torpaq sahəsi başqa şəxsə satılıb.

Şikayətçi deyir ki torpaq sahəsi əlindən alındığı üçün mal-qarasını otarmağa yeri yoxdur. O bununla bağlı dəfələrlə adiyyatı qurumlara müraciət etsə də, nəticəsinin olmadığını deyir. O prezidentə və adiyyatı qurumlara müraciət edərək ona kömək etməlırini, təsərrüfatının məhv olmaması üçün torpağının özünə qaytarmalarını xahiş edir.