Qaraşovun QARA GÜNLƏRİ...

Azərbaycanda icra başçılarının "kiçik padşahlar" adlandırılması havayı deyil.

Rayonlara rəhbərlik edən şəxslərin bir çox hallarda özü üçün kiçik "ölkə" qurduğu, öz qaydalarını qoyduğu, özlərini rəhbərlik etdikləri rayonun "prezidenti" kimi apardıqları sirr deyil. Bu qəbildən görüntülər, məlumatlar çox yayılıb.

Bu kimi məsələlərlə gündəmə gələnlərdən biri də Lənkəran rayon İcra Hakimiyyətinin başçısı Taleh Qaraşovdur.

"DİA-AZ"a daxil olan məlumatlardan aydın olur ki, barəsindəı ən çox şikayət olunan icra başçıları arasında az qala ilk yerlərdən birini tutan Taleh Qaraşovun cəzalandırılma vaxtı da yetişib.

Mənbəmiz iddia edir ki, əslində səhhətində ciddi problemlər olan Taleh Qaraşov iş başında da az görünür: "Yəni onun vəzifədən alınması iş rejiminə elə də ciddi təsir etməyəcək. Zatən EVDƏN İŞLƏYİRDİ... Bu isə problemlər içində olan sakinlər üçün əlavə əngəl idi. Dərdlərini deməyə ünvan tapa bilmirlər".

Mənbə iddia edir ki, yeni ilə qədər Qaraşov yola salınacaq: "Onun yerinə kimin təyin olunacağı da bəllidir..."

Bu barədə növbəti yazımızda. Bizi izləməyə davam edin...