"Gecə-gecə ABB kartımdan ödəniş cəhdi olub. Ölkə olaraq USA yazılıb. Heç bir yerə də abunəliyim yoxdur. Tez kartı blokladım..." "DİA-AZ" xəbər verir ki, bu barədə"AZBank Klubu" sosial qrupundakı paylaşımında Şölət Səmədov adlı istifadəçi gileylənir.
Narazı vətəndaş daha sonra bildirir: "Ölkəxarici limitləri bağladım. ABB-nin dəstək xidməti 24/7 yazılıb amma yazıram cavab verilmir.
Hörmətli ABB, bu məsələni aydınlaşdırın. Bugünə qədər problem yaşamamışam, bankın reputasiyası korlanmasın.
Deyəsən, ölkədə etibarlı bank yoxdur".










