Culfa Rayon İcra Hakimiyyəti (RİH) üçün yeni bina tikilir. "DİA-AZ" bu barədə RİH-ə istinadən xəbər verir.

Qeyd edək ki, İcra Hakimiyyətinin tikintisi dayandırılmış yeni inzibati binasının layihələndirilməsinə başlanılır.

RİH hazırda layihələndirmə işlərini həyata keçirəcək şirkət axtarışındadır.

Xatırladaq ki, icra hakimiyyətinin yeni inzibati binasının tikintisi ilə bağlı hazırlıqlara hələ bir neçə il əvvəl başlanılıb.

İnşaat işləri ilə bağlı 2023-cü ilin dekabr ayında APF Tikinti MMC ilə müqavilə imzalanıb. Müqaviləyə əsasən binanın tikintisi üçün müəyyən edilmiş məbləğin 3 ay ərzində hissə-hissə şirkətə ödənilməsi ilə bağlı razılıq əldə olunub. Amma icra hakimiyyəti bu öhdəliyi yerinə yetirməyib. Səbəb olaraq isə büdcədə pulun olmaması göstərilib. MMC məhkəməyə müraciət edib. Məhkəmə MMC-nin xeyrinə qərar çıxarıb.

İndi isə aydın olur ki, Naxçıvan hakimiyyəti Culfa RİH-nin binasının tikintisi üçün yeni şirkət axtarır. APF Tikinti MMC ilə bağlanmış müqavilə isə təbii ki, kimsənin umrunda da deyil. Bu isə MR-ya gəldiyi ilk gündən özbaşına siyasət yürüdən Fuad Nəcəfli üçün tam xarakterikdir.

Hər halda, APF Tikinti MMC bu "yeniliyi" susqunluqla qarşılamayacaq. Bunu da zamanla görəcəyik.