Rusiyada böyük biznesi olan sabiq deputatın oğlu Bakıda restoran açıb

Fövqəladə Hallar Nazirliyi (FHN) Qasımov Taleh Əsabil oğlunun sifarişi əsasında Bakı şəhəri, Yasamal rayonu, Murtuza Muxtarov küçəsi, giriş 211A ünvanında inşa olunan obyektin istismarına icazə verib.
Yeniavaz.comxəbər verir ki, tikinti sahəsi 184,1 kvadratmetr olan bina 1 mərtəbədən ibarətdir.
Qeyd edək ki, FHN binaya 24 iyul 2025-ci il tarixli 08231 nömrəli istismara hazırlıq rəyi verib.
Məlumat üçün bildirək ki, iaşə obyektinin sifarişçisi olan Taleh Qasımov sabiq millət vəkili Əsabil Qasımovun oğludur.
Məlumat üçün bildirək ki, Taleh Qasımov Rusiyanın Kislovodsk şəhərində fəaliyyət göstərən “İstoçnik” sanatoriyasının sahibi olan “Sanatoriya İstoçnik Kislovodsk” şirkətinin təsisçisidir. Onun şirkətdəki payı 80%-ə bərabərdir. Taleh Qasımov eyni zamanda Stavropol diyarında qeydiyyatda olan “Ekspo” (100%) və Moskva şəhərində qeydiyyatda olan “Biznes-Çentr Bernikov” şirkətlərinin də (50%) təsisçisidir.