“PAŞA Həyat”ın sədrinə müavin təyin edildi
Dünən, 09:27
“PAŞA Həyat Sığorta Şirkəti” ASC-nin İdarə Heyətinin sədrinə müavin təyin edilib.
"DİA-AZ" xəbər verir ki, bu vəzifəyə Fərid Abdullayev Mahir oğlu təyin edilib.
Fərid Abdullayev 2007-2011-ci illərdə Azərbaycan Dövlət İqtisad Universitetinin maliyyə fakültəsi üzrə Vergi işinin təşkili və idarəedilməsi ixtisası üzrə bakalavr və 2011-2013-cü illərdə Biznesin İdarəedilməsi ixtisası üzrə magistr təhsili alıb.
O, əmək fəaliyyətinə 2011-ci ildən “PAŞA Həyat Sığorta” şirkətində başlayıb və burada anderraytinq üzrə mütəxəssis, aktuariat üzrə mütəxəssis və baş mütəxəssis, məsul aktuari, aktuariat şöbəsinin müdir müavini, baş risk inzibatçısı kimi vəzifələrdə çalışıb.
2019-cu ilin oktyabr ayından etibarən İdarə Heyətinin üzvü – Baş risk inzibatçısı olaraq fəaliyyət göstərib.
2025-ci ilin oktyabr ayından etibarən İdarə Heyəti sədrinin müavini vəzifəsinə təyin olunub.
Geri qayıt