Ziya Məmmədovun məkanında fəhlə qiyamı gözlənilir
17-07-2014, 10:04
DİA.AZ: - Keçən günlərdə nəqliyyat naziri Ziya Məmmədovun əsas gəlir yerlərindən biri olan Keşlə dəmiryolu stansiyası ilə bağlı ilginc faktları diqqətinizə təqdim etmişdik. DİA.AZ-ın materialından aydın olurdu ki, idarənin kürd əsilli PKK yandaşı olan rəhbəri rəsmən nəzarətsiz qaldığından istədiyini həyata keçirir.
Mənbə DİA.AZ-a bildirir ki, 2010-cu ilin iyul ayından etibarən bu təşkilata rəhbər vəzifəsinə keçəndən sonra "yuxarıların etimadını" doğrultmaq üçün Təlabani Tahirov "təmizləmə" adı altında öz “müdrik" ideyalarını həyata keçirməyə başlayıb.”Yuxarıların”, yəni Azərbaycan Dəmir Yolları Qapalı Səhmdar Cəmiyyətinin sədri Arif Əsgərovun bu yönümdə xeyir-duasını alan Təlabani Tahirov Keşlə Yük Boşaltma Həyətində "analoqu olmayan qara bazar" yaradıb: “Onun inkasatorlarını Keşlə Yük Boşaltma Həyətinin hər yerində görmək olar”.
Mənbənin iddialarına görə, nəqliyyat naziri Ziya Məmmədovun qardaşı, deputat Elton Məmmədov üçün hətta biri üçün gündəlik boşaldılan hər vaqondan 20 azn pul yığılır.
Nəzərə alsaq ki, gün ərzində stansiyaya orta hesabla 120-150 vaqon daxil olur və bu minvalla da deputatın təkcə buradan əldə etdiyi məbləği müəyyən etmək olar.
Mənbə diaaz.space-a bildirir ki, Keşlə Dəmir Yol Stansiyanın rəisi Təlabani Tahirov görəvə alınandan sonra bu idarədə vaqon boşaltma xərcləri də artıb: “Belə ki, əvvəllər 80 manata boşaldılan vaqon Təlabani müəllimin monopol qaydalarından sonra 110 manata boşaldılır. Hər bir vaqon sahibindən alınan 110 manatın cəmi 20 manatı istismar olunan kran sahibinə verilir. Qalan 90 manat isə mərkəzləşmiş qaydada qəbz olmadan inkasatorlar tərəfindən yığılır və rəhbərliyə ötürülür”.
Mənbə bildiri kİ, Tələbani müəllim hətta qul kimi işlətdiyi fəhlələrdən də pul yığır: “Bu qədər alınan pulun müqabilində təkcə qapıda 1.2 azn yazılmış qəbz verilir. Bunun qarşılığında isə yerli maşınlardan 3 manat, İran maşınlarından isə 20 manatdan yığılır. Hər bir vaqon 2-3 maşına boşaldıldığı halda nə qədər pulun mənimsənilməsini hesablamaq çox da çətin olmaz”.
Onu da bildirək ki, bütün bu faktları DİA.AZ əməkdaşı yerində də müşahidə edib və araşdırmalarımızın nəticələrini yaxın zamanlarda diqqətinizə çatdıracağıq. Hər halda antikorrupsiya dönəmində korrupsiya yuvalarından hazırlanan reportajlar hər kəs üçün maraqlıdır. Elə korrupsiyaya qarşı mübarizə idarəsi üçün də.
Bu arada redaksiyamıza daxil olan bir başqa məlumatda vurğulanır ki, Tələbani Tahir əslən kürd olduğundan bu gün iqtidar içindəki kürd qruplaşması tərəfindən də ciddi şəkildə dəstəklənir. Hər halda bu faktın özü ortaya tamam fərqli bir məqamı çıxarmış olur. Söhbət NN şefi Ziya Məmmədovun kürd qruplaşması ilə şərikli biznesinin olmasından gedir.
Təbii ki, bu da nəhayətdə sözügedən qurumla bağlı narazılıqları ortaya çıxarmalı idi. Quba rayonu sakini Mirzəməmmədov Zaman Nəsir oğlu işlədiyi Nərimanov rayonu Keşlə yükboşaltma stansiyasından şikayətçi olduğunu bildirib.
Bu barədə müraciət edən Zaman Mirzəməmmədovun sözlərinə görə, orada işləyən 120-yə yaxın işçinin əmək müqaviləsi yoxdur. Şikayətçi bildirib ki, onlar yükboşaltma stansiyasının rəisi Marif və onun müavini Şahinə, polis rəis Asif və polis mayoru Sənana müraciət edərək, əmək müqavilələrinin olmadığını bildirib və onlardan qanuni əsaslarla əmək müqaviləsi bağlanmasını tələb ediblər.
Qeyd olunan səlahiyyətli şəxslər isə işçilərlə müqavilə bağlamaqdan imtina edib və bildiriblər ki, onların Daxili İşlər Nazirliyində adamları var, işçilərin heç bir müraciətə baxılmayacaq. Şikayətçinin sözlərinə görə, onların işlərinə dəllalar müdaxilə edərək, onlara çatan pulun bir hissəsini mənimsəyirlər.
Z.Mirzəməmmədovun sözlərinə görə, əgər onların problemi həll olunmayacaqsa o, Azərbaycan vətəndaşlığındından imtina edəcək.
Geri qayıt