Polşaya "Abrams" tanklarının növbəti partiyası çatdırılıb
Bu gün, 07:00
Polşa ABŞ istehsalı olan "M1A2 Abrams" tanklarının daha bir partiyasını qəbul edib.
APA xəbər verir ki, bu barədə ölkənin müdafiə nazirinin müavini Pavel Beyda məlumat yayıb.
“Ən müasir Abrams tanklarının dördüncü partiyası. Hazırda Polşanın bir limanında 32 ədəd M1A2 tankının boşaldılması prosesi gedir”, – o, “X” sosial şəbəkəsində yazıb.
Xatırladaq ki, Polşa 2022-ci ildə ABŞ-la 2025–2026-cı illərdə 250 ədəd modernləşdirilmiş "M1A2 Abrams" tankının tədarükü barədə müqavilə imzalayıb.
Geri qayıt