“Rheinmetall” satışlarını 50 milyard avroya çatdırmağı hədəfləyir

AzVision.az xəbər verir ki, bu barədə şirkətin baş direktoru Armin Papperger ZDF-yə müsahibəsində bildirib. “2027-ci ilə qədər satışları təxminən 20-25 milyard avroya, yəni ikiqat satışa çatdırmaq və 2030-cu ilə qədər 40-50 milyard avroya çatdırmaq niyyətindəyik. Təbii ki, bu, bir Almaniya şirkəti üçün böyük sıçrayışdır. Biz artıq böyük sıçrayış etmişik. İnanıram ki, bu yol bitməkdən çox uzaqdır”, - deyə o qeyd edib.

Noyabrın 6-da şirkət, NATO ölkələrinin müdafiə xərclərini əhəmiyyətli dərəcədə artırması sayəsində 2025-ci ilin ilk doqquz ayında qrupun satışlarının təxminən 20% artaraq 7,5 milyard avroya çatdığını bildirib.

Faiz və vergilərdən əvvəl mənfəət 613 milyon avrodan 724 milyon avroya yüksəlib. Almaniyanın ən böyük müdafiə şirkəti Bundesverin əsas tədarükçüsü və Avropa NATO-ya üzv dövlətlər üçün artilleriya sursatlarının ən mühüm istehsalçılarından biridir. Sentyabrın sonuna olan məlumata görə, “Rheinmetall”ın sifariş həcmi rekord həddə çataraq, demək olar ki, 64 milyard avroya yüksəlib.