“Anam yanımdadır, ondan güc alıram”

Müğənni Aysun İsmayılova sosial şəbəkədə paylaşım edərək son vaxtlar üzləşdiyi çətinliklərdən söz açıb.

Yenisabah.az xəbər verir ki, o, yaşanan ağır hadisələr səbəbindən bir müddət sənətindən və sosial şəbəkə paylaşımlarından uzaq qalıb:

"Bu çətin günlərdə verdiyiniz dəstək mənə böyük güc verir. Son zamanlar yaşanan ağır hadisələr səbəbindən bir müddət işimdən uzaq qaldım və paylaşım etmədim. Amma həyat dayanmaq bilmir..." – deyə sənətçi qeyd edib. pizza sifarişi

İsmayılova sənətini davam etdirəcəyini və toy, tədbirlərdə iştirakı ilə həm ailəsinə, həm də özünə güc vermək istədiyini vurğulayıb:

“Anam hər zaman mənim yanımdadır, mən də onun gücündən ilham alıram. Mənə olan sevginiz və dəstəyiniz üçün hər kəsə sonsuz təşəkkürümü bildirirəm”.