Gürcüstan iqtisadiyyatına ən çox investisiya yatıran ölkələr

Bu ilin ilk yarısında Gürcüstan iqtisadiyyatına yatırılan birbaşa xarici investisiyaların (FDI) həcmi 763,8 milyon dollar olub və ötən ilin eyni dövrü ilə müqayisədə 15,5% azalıb.
Yeniavaz.com xəbər verir ki, Gürcüstan iqtisadiyyatına yatırılan xarici investisiyaların 6,3%-i və ya 48,5 milyon dolları Azərbaycanın payına düşüb.
2024-cü ilin eyni dövrü ilə müqayisədə Azərbaycanın Gürcüstan iqtisadiyyatına yatırdığı investisiyaların həcmi cəmi 1% və ya 0,5 milyon dollar artıb.
Məlumat üçün bildirək ki, bu ilin ikinci rübü ərzində (aprel-iyun) Gürcüstan iqtisadiyyatına ən çox aşağıdakı ölkələr investisiya yatırıb:
Böyük Britaniya – 242,7 milyon dollar (ümumi investisiyaların 41,8%-i);
Türkiyə – 54 milyon dollar (9,3%);
Çexiya – 38,3 milyon dollar (6,6%);
BƏƏ – 37,1 milyon dollar (6,4%);
Malta – 33,8 milyon dollar (5,8%);
Niderland – 23,7 milyon dollar (4,1%);
Azərbaycan – 23,6 milyon dollar (4,1%);
Rusiya – 22,1 milyon dollar (3,8%);
Almaniya – 15,6 milyon dollar (2,7%);
Virgin adaları – 13,4 milyon dollar (2,3%).