Rusiya Federal Vergi Xidməti Hüseyn Həsənovla bağlı qərar verdi

Rusiya Federal Vergi Xidməti azərbaycanlı bloqer Hüseyn Həsənovun 2023-cü ildə təsis etdiyi "Banda Foods" şirkətini bağlayıb.

Milli.Az xəbər verir ki, şirkətin 800 min rubl (təxminən 16 740 manat) borcu var idi, Hüseyn isə Rusiyanı tərk edib.

Avqustun 20-də vergi orqanları şirkətin ləğvini elan edib, hesablar bloklanıb. Həsənovun şəxsi inkişaf kurslarına qarşı 2,7 milyon rubl məbləğində iki məhkəmə iddiası da var. Bloqer mayın 14-də böyük məbləğdə vəsaitlərin leqallaşdırılması ittihamı ilə axtarışa verilib və qiyabi həbs olunub. Ona 7 ilədək həbs cəzası verilə bilər.