Serjikin adamı Bako və Levonun Xankəndində nərd oynadığı günlərə dönmək istəyir...
Bu gün, 10:26
“Bu şəklin çəkildiyi günü qaytarmaq və artsaxda Bako Saakyan, Levon Mnatsakanyan və digər dostlarımızla belə dinc və sakit bir gün keçirmək üçün çox şey verərdim”.
Moderator.az xəbər verir ki, “Hraparak” nəşrinin yaydığı məlumata görə, bunu qatı revanşist, irqçi xislətli ermənilərdən biri, Xocalı canisi Serjik Sərkisyanın Respublika partiyasındakı müavini Tiqran Abramyan özünün “Facebook” səhifəsində yazıb.
“65 yaşınız mübarək Bako Saakiç. Sağlamlıq və tez qayıdış.
Bako Saakyana və Azərbaycan həbsxanalarında olan bütün ermənilərə azadlıq”, - ardınca T.Abramyan belə çərənləyib.
Xatırladaq ki, hazırda Bakıda həbsdə olan Bako Saakyan 1991-2023-cü illərdə Moskva və İrəvanın dəstəyi ilə Azərbaycan torpaqlarında xalqımıza, dövlətimizə qarşı separatçılıq, işğalçılıq, terrorla məşğul olmuş qondarma kriminal rejimin
rəhbəri(2007-2020), Levon Mnatsakanyan isə “müdafiə naziri”(2015-2018), “polis” rəisi və s. vəzifələrdə olub.
Geri qayıt