"Yaxın günlərdə iki nazir postunda dəyişiklik olacaq..."

"Yaxın günlərdə iki nazir postunda dəyişiklik olacaq. Dəyişiklik eyni gündə baş tutmaya bilər və hansının birinci olacağı da önəmli deyil. Önəmli olanı odur ki, artıq tədarük gedir və iki nazirlə bağlı qərar veriləcək". "DİA-AZ" xəbər verir ki, bu barədə məlumatlı mənbə söyləyir.

Xəbəri verən qaynaq iddia edir ki, söhbət təhsil naziri Emin Əmrullayevlə, mədəniyyət naziri Adil Kərimlidən gedir.

Mənbə deyir:

"Artıq hər iki posta kimlərin təyin edilə biləcəyi də məlumdur. Amma məsələ heç də göründüyü kimi sadə deyil və dəyişiklik üçün müəyyən səddlər aşılmalıdır".

Qeyd edək ki, nələrin baş verdiyi və baş verəcəyi haqda müəyyən bilgilərimiz var. Bu barədə daha geniş bilgiləri növbəti yazıda oxuyun...