Türkiyədə inflayasiya səviyyəsi 39%-ə düşdü
Dünən, 13:04
Ötən ay Türkiyədə istehlak məhsullarının qiyməti və xidmət tarifləri (inflyasiya) əvvəlki ilin eyni dövrü ilə müqayisədə 39,05 bahalanıb.
Yeniavaz.com Türkiyə Statistika İdarəsinə istinadən bildirir ki, bu, son 3 ilin analoji dövrlərində qeydə alınan ən aşağı göstərici olub.
Belə ki, 2023-cü ilin fevral ayında Türkiyədə illik inflyasiya 55,18%, 2024-cü ilin fevral ayında isə 67,07% təşkil edib.
Ən yüksək bahalanma təhsil xidmətlərində qeydə alınıb – 94,9%.
Bundan başqa, daşınmaz əmlak 70,8%, restoran və otellər 45,9%, səhiyyə xidmətləri 43%, qida və içkilər 35,1%, ev əşyaları 33,6%, nəqliyyat xidmətləri 23,4% bahalanıb.
Ən az artım geyim və ayaqqabı qiymətlərində qeydə alınıb. Geyim və ayaqqabı qiymətləri son bir ildə 20,8% artıb.
Onu da bildirək ki, hazırda Türkiyə dünyada inflyasiya səviyyəsinin ən yüksək olduğu 6-cı ölkə hesab olunur. Dünyada inflyasiyanın Türkiyədən yüksək olduğu 5 ölkə var. Bunlar Sudan (146,6%), Suriya (120,4%), Cənubi Sudan (112,6%), Argentina (84,5%) və Zimbabvedir (57,5%).
Geri qayıt