Məhkəmə Bəhruz Hacıyevə bəraət verdi
Bu gün, 12:08
Qanunsuz ağac kəsimində təqsirləndirilən Bəhruz Hacıyevin cinayət işi üzrə məhkəmə istintaqı yekunlaşıb.
Lent.az-ın əldə etdiyi məlumata görə, bu barədə qərar Suraxanı Rayon Məhkəməsinin hakimi Namiq Kərimovun sədrliyi ilə keçirilən prosesdə elan edilib.
Dövlət ittihamçısı məhkəmədən təqsirləndirilən şəxsin 3 il 6 ay müddətinə azadlıqdan məhrum edilməsini təklif edib.
Məhkəmə qısa müşavirədən sonra hökmü elan edib.
Məhkəmə təqsirləndirilən şəxsin əməlində cinayət tərkibinin əlamətləri ittihamla təsdiq edilmədiyi üçün onun barəsində bəraət hökmü çıxarılıb.
Xatırladaq ki, Bəhruz Hacıyev dövlət mənafeyinə 11 min 600 manat zərər vurması ittiham edilib.
Ona qarşı Cinayət Məcəlləsinin 259.3-cü (meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların qanunsuz kəsilməsi qabaqcadan əlbir olan bir qrup şəxs və ya mütəşəkkil dəstə tərəfindən törədildikdə) maddəsi ilə cinayət işi başlanılmışdı.
Geri qayıt