Onlar erməni xalqını aldadırlar
29-01-2025, 18:00
Ermənistanın Avropa İttifaqına (Aİ) daxil olmaqla eyni zamanda Avrasiya İqtisadi İttifaqında (Aİİ) iştirakını davam etdirmək imkanının olması barədə müzakirələr əsassızdır. Çünki Avropa ölkələri ilə bazarların açılması Ermənistanın Aİİ dövlətləri ilə bazarlarının bağlanması deməkdir.
Axar.az Rusiya mediasına istinadən xəbər verir ki, bunu Rusiya Baş nazirinin müavini Aleksey Overçuk jurnalistlərə bildirib.
"Bu, bizim üçün Avropa Birliyinə qoşulmanın başlanğıcının Aİİ-dən çıxışın başlanğıcı olması barədə bir siqnal, iki inteqrasiya birliyinin necə qurulduğunu azacıq bilən hər kəs üçün tamamilə aydındır. Hansısa həll yolunun tapıla biləcəyini iddia edən bəzi insanlar, yumşaq desək, erməni xalqını aldadırlar", - deyə Rusiya hökumətinin sədr müavini qeyd edib.
Onun sözlərinə görə, Aİİ ilə bazarların bağlanması istehsalçılara təsir edəcək.
"Bu aydındır - Aİİ ilə idxal gömrük rüsumlarının sıfırlanması avtomatik olaraq Aİİ ilə gömrük və gömrük tarifinə qayıtmaq deməkdir", - deyə o əlavə edib.
Eyni zamanda o qeyd edib ki, Almatıdakı hökumətlərarası şurada Ermənistanın Aİİ-də gələcək iştirakı məsələsini qaldırmaq planlaşdırılmır.
O xatırladıb ki, makroiqtisadi göstəricilər və Aİİ ölkələri arasında qarşılıqlı ticarət məlumatlarına əsasən, Ermənistan birlikdə iştirakın əsas benefisiarıdır:
“Ötən il Ermənistanın Aİİ ölkələri ilə ticarəti 12 milyard dollar təşkil edib ki, bu da onun Aİ ilə ticarət həcmindən dəfələrlə çoxdur. Eyni zamanda, Aİİ ölkələri ilə ticarət artır, Avropa İttifaqı ilə azalır”.
A.Overçuk Ermənistan və Aİİ-nin mümkün dezinteqrasiya mərhələləri barədə şərh verməkdən imtina edib və Aİ-yə qoşulma prosesinin başlanması haqqında qanun layihəsinin Ermənistan parlamentində dinləmələrinin nəticələrini gözləməyi təklif edib.
Geri qayıt