"Yeni raket sınağı rəqiblərimizi çəkindirmək məqsədi daşıyır"
7-01-2025, 11:58
"Bu həftə sınaqdan keçirilən yeni hipersəs raket sistemi ölkənin Sakit okeandakı rəqiblərini çəkindirib geri oturtmağa kömək göstərəcək".
Bu sözləri Şimali Koreya lideri Kim Çen İn ölkənin dövlət xəbər agentliyinə açıqlamasında dilə gətirib. O vurğulayıb ki, hipersəs raket sistemi "regionda təhlükəsizliyə xələl gətirə biləcək istənilən təhdidin qarşısını almağa hesablanıb".
Məlumata görə, sözügedən raketin mühərrikində "yeni karbon lifi birləşməsi" istifadə olunub ki, bu da Pxenyana ABŞ, Rusiya və Çinin yüksək texnologiyalı hədəflərini vurmaq imkanı verir.
Xatırladaq ki, dünən Koreya Xalq Demokratik Respublikasının (KXDR) paytaxtı Pxenyan şəhərinin yaxınlığından buraxılan raket bir kilometrdən artıq havada irəlilədikdən sonra Cənubi Koreya ilə Yaponiya arasındakı boğazın sularına batıb. Cənubi Koreya Silahlı Qüvvələrinin mətbuat xidmətinin məlumatına görə, ABŞ Dövlət katibi Antoni Blinkenin paytaxt Seula səfəri ərzində, eyni zamanda, ABŞ-də Donald Trampın prezident kimi rəsmi fəaliyyətə başlaması ərəfəsində Şimali Koreyanın regionda sabitliyi pozma cəhdləri xüsusilə şiddətlənib.
AzVision.az
Geri qayıt